Fikayo Tomori dhe Ismael Bennacer nuk mund ta fshehin zhgënjimin e tyre, teksa reaguan në ‘Instagram’ ndaj fitores së Atletico Madrid kundër Milanit.
Kuqezinjtë e Italisë pësuan një humbje 2-1 në San Siro mbrëmjen e së martës me një goditje të minutave të fundit nga Luis Suarez.
Goditja e dënimit u shkaktua nga një prekje me dorë e Pierre Kalulu, por VAR nuk e pa Thomas Lemar të kishte marrë topin para mbrojtësit të Milanit, kështu që VAR duhet ta kishte tërhequr atë.
Ishte humbja e dytë e Milanit në dy ndeshjet e Champions League deri më tani këtë sezon.
Ndër lojtarët e Milan që reaguan në lidhje me këtë rezultat ishte Fikayo Tomori i cili postoi një ‘Insta-story’ me dy emoji që përshkruajnë mjaft mirë ndjenjat e tij dhe të shokëve të tij të skuadrës pas bilbilit të fundit.
Bennacer gjithashtu shkroi në llogaritë e tij zyrtare në mediat sociale, duke postuar një fotografi nga loja dhe duke shkruar: “Frustrimi …”
Rafael Leao, i cili kishte shënuar golin e tij të parë në Champions League në pjesën e parë, ndau një mesazh në italisht: ‘Më vjen keq për rezultatin, por jam krenar për shokët e mi të skuadrës. Faleminderit të gjithë tifozëve për mbështetjen, Forza Milan gjithmonë!’/K.T/Gijotina.com
