Këngëtari i njohur Shpat Kasapi ka ndërruar jetë në moshën 40-vjeçare, si pasojë e një ataku në zemër, teksa ditën e nesërme do të përcillet për në banesën e fundit.
Mësohet se ceremonia mortore e këngëtarit do të nisë paraditen e së dielës, ku të afërmit, kolegët miqtë edhe publiku do të kenë mundësinë t’i japin lamtumirën e fundit artistit.
Homazhet do të zhvillohen nesër në orën 11:00 në Pallatin e Kulturës në Tetovë, ndërsa procesioni mortor do të zhvendoset në varrezat e qytetit, ku varrimi i Kasapit është caktuar të mbahet në orën 14:00.
Reagimi ka ardhur edhe nga partnerja e këngëtarit e cila njofton për ceremoninë mortore që do të mbahet ditën e nesërme.
Kujtojmë se këngëtari ndodhej në Itali me familjen mbi një vizitë mjekesore për djalin.
Gjatë karrierës së tij, Kasapi mori pjesë në festivale të rëndësishme dhe realizoi bashkëpunime që lanë gjurmë te publiku. Ai vazhdoi të ishte aktiv dhe i pranishëm në muzikë, duke ruajtur popullaritetin edhe vitet e fundit.
Discussion about this post