Teksa në Kuvend diskutohet projektbuxheti i vitit të ardhshëm, paralelisht në Vlorë protestohet nga anëtarë të komunitetit rom me synim të vetëm mbijetesën.Të grupuar para Bashkisë Vlorë, ata kërkojnë që të lejohen të mbledhin mbetje plastike, pasi ato do të çohen në landfillin e ri që po ndërtohen në Sherishtë.
Nga sot ky vendim do të zbatohet nga Bashkia Vlorë, por ky komunitet kundërshton pasi mbijetesa e tyre varet nga mbledhja e plastikës, që në të shumtën e rasteve e sigurojnë nga koshat e mbeturinave.Nëse do të vijojnë sërish të mbledhin bidonë plastikë, anëtarët e komunitetit rom që sot po protestojnë, do të gjobiten nga Bashkia Vlorë.
Një nga protestueset e komunitetit egjiptian u shpreh se nëse Kryetari i Bashkisë së Vlorës nuk del që t’i takojë, ‘do t’i vendos flakën’ bashkisë dhe nuk do të largohej.
Discussion about this post