Prokuroria e Posaçme ka nisur procedurat për ekstradimin e Gëzim Çelës drejt vendit tonë. Menjëherë pas arrestimit të tij ditë më parë në Kosovë, SPAK është vënë në lëvizje, duke i deleguar dosjen e Çelës, Ministrisë së Drejtesisë, me të gjitha provat e mbledhura për këtë shtetas dhe akuzat që rëndojnë mbi të.
Bashkëlidhur me dosjen, është edhe vendimi i Gjykatës së posaçme, që ka caktuar masën e arrestit me burg ndaj Çelës, që akuzohet për trafik ndërkombëtar droge. Tashmë brenda afatit kohor, Ministria e Drejtësisë do ja përcjellë autoriteteve kosovare dosjen, për ekstradimin e tij.
Kujtojmë se një ditë më parë Gjykata e Ferizaj, la në burg me një afat kohor 40 ditë Gëzim Çelën, i konsideruar si baroni i drogës.
Kjo masë sigurie është praktikë që ndiqet për procedurat e ekstradimit. Pas mbajtjes së seancës dëgjimore dhe dëgjimit të palëve, gjyqtari i procedurës paraprake i Departamentit për Krime të Rënda në Kosovë vlerësoi se ndaj Çelës, është lëshuar një urdhër-arrest ndërkombëtar nga Interpoli, me kërkesë të Shqipërisë për shkak të veprave penale të trafikimit të lëndëve narkotike dhe prodhimi dhe mbajtja pa leje e armëve luftarake dhe municioneve.
Në këtë mënyre ai do të qëndrojë i izoluar për 40 ditë, deri në mbërritjen e aktëve proceduriale nga Shqipëria.
Çela u arrestua dy ditë më parë në Ferizaj pas një aksioni të përbashkët policor të Kosovës dhe Shqipërisë. Prej 9 vitesh, ai ishte shpallur në kërkim dhe fshihej në Kosovë, duke lëvizur me një identitet të rremë si Bekim Bajraktari. Çela u arrestua një ditë më parë në Ferizaj pas një aksioni të përbashkët policor të Kosovës dhe Shqipërisë.
Discussion about this post