Një ngjarje e rëndë raportohet të ketë ndodhur në Stamboll.
Sipas informacioneve paraprake, dy efektivë policie kanë mbetur të plagosur me armë zjarri.
Ato po ushtronin kontroll për të verifikuar situatën në një lagje, sipas deklaratës së prefektit.
Mësohet se policët kanë ndaluar dy të dyshuar, duke iu kërkuar kartat e identitetit. Njëri prej tyre, i moshës 32 vjeç, ka nxjerrë armën dhe ka qëlluar mbi efektivët. Dy oficerë policie u dërguan me plagë në spitalin më të afërt dhe njëri prej tyre është në gjendje kritike, sipas mediave të huaja.
Në njoftimin e prefektit të Stambollit, theksohet se i armatosuri që qëlloi efektivët e policisë dyshohet se është autori i një sulmi të ndodhur pak orë më parë, me pasojë një të vdekur dhe dy të plagosur.
Policia turke ka nisur kontrollet për gjetjen dhe arrestimin e autorit të armatosur.
Discussion about this post