U ndje keq, ndërron jetë 40-vjeçari ukrainas në ishullin e Sazanit

Një 40-vjeçar nga Ukraina ka ndërruar jetë në ishullin e Sazanit, pasi kishte shkuar me familjen për guidë turistike.

Policia njofton se ukrainasi ka ndërruar jetë si pasojë e një arresti kardiak.

“Sot, në Sazan, gjatë transportit për ndihmë mjekësore për në spital, dyshohet se ka humbur jetën si pasojë e arrestit kardiak shtetasi ukrainas P. I., 40 vjeç, i cili ndodhej me familjen në atë zonë për guidë turistike.

Grupi hetimor po kryen veprimet hetimore për sqarimin e plotë të rrethanave të ngjarjes”, njofton policia.

Mungesa e ndihmës së shpejtë, prezenca e një  mjeku apo një qendre kujdesi në këtë zonë turistike, rrit riskun e asistimit për ndihmë mjeksore.