Një 20-vjeçar është dërguar me urgjencë në spitalin e Korçës, dhe aty ka ndërruar jetë.
Nga burimet në polici paraprakisht bëhet me dije se Mateo Llabani, është ndjerë keq në një lokal në Bilisht, dhe për shkak të gjëndjes së rënduar u transportua me ambulancë drejt spitalit të Korçës për mjekim të specializuar, por nuk ka mundur dot të mbijetojë.
Shkak dyshohet mbidozë e lëndëve narkotike, megjithatë pritet që nga autopsia të zbardhet arsyeja e vdekjes së 20-vjeçarit.
Llabani ka ndërruar jetë në reanimacionin e spitalit, ndërsa do ti bëhet autopsia, për të vërtetuar nëse ishte mbidoza ajo që i mori jetën të riut.
Shenja dhune në trup nga këqyrja paraprake nuk ka. Nga ana tjetër, policia po merr në pyetje dëshmitarë, si edhe familjarë të 20-vjeçarit.
Discussion about this post