Të gjithë e mbajnë mend gjyqin e famshëm mes ish-çiftit të bashkëshortëve, Johnny Depp dhe Amber Heard.
Bëhet me dije se maratona e ndjekur nga miliona njerëz në mbarë botën së shpejti do të vijë në formën e një filmi.
Kujtojmë se në qershor të këtij viti, gjykata në Virxhinia i dha të drejtë aktorit hollivudian pasi ky i fundit paditi ish gruan e tij, Amber Heard për shpifje. Ai mori më shumë se 10 milionë dollarë dëmshpërblim.
Ky rezultat gjyqi erdhi një vit e gjysmë pasi Depp humbi një çështje shpifjeje në Mbretërinë e Bashkuar për një gazetë që i referohej atij si “dhunues i gruas”.
Gjykata londineze mbështeti pretendimet e gazetës si “thelbësisht të vërteta” dhe në mars 2021, përpjekja e Depp për ta rrëzuar atë vendim u anulua.
Discussion about this post