Zbulohet destinacioni i 1 ton marijuanë e kapur ditën e djeshme në brigjet e Detit Jon pas operacionit të përbashkët të Guarida di Finanza me policinë italiane.
Mijëra kilogramë marijuanë të sekuestruara dje në bordin e një veliere nga Shqipëria do të kishin shërbyer për të furnizuar jetën e natës puliane.
Hetimet e GDF-së, e cila sot mbajti një konferencë për shtyp për sekuestrimin e drogës, janë fokusuar pikërisht në lidhjet mes krimit shqiptar dhe atij italian.
Në aksion u arrestuan pesë persona, tre shtetas shqiptarë që u kapën duke ngarkuar drogë dhe dy shtetas ukrainas që ndodheshin në bordin e skafit të kapur në det, në brigjet e Capo di Leuca (Lecce).
Natën mes 7 dhe 8 gushtit, një helikopter i Guardia di Finanza ka vënë re tre varka, 13 milje larg bregdetit shqiptar, nga të cilat janë transportuar thasët e marijuanës.
Pesë personat e arrestuar janë përgjegjës për trafik ndërkombëtar droge. Sipas asaj që doli në këtë fazë të parë hetimore, nuk përjashtohet mundësia që droga e sekuestruar të përdorej për furnizimin e shesheve të farmacive puliane, veçanërisht për jetën e natës në resortet turistike. Hetimet do të vazhdojnë edhe falë telefonave të gjetur në skaf.
Kush janë të arrestuarit
Tre shqiptarët Arbër Saraseli, 31 vjeç, Saverjo Imeraj, 22 vjeç dhe Qemal Pekmezi, 19 vjeç u bllokuan dhe arrestuan nga policia e Vlorës.
Dy ukrainasit Bychkovi Serhii 43 vjeç dhe Senkevych Serhii, 62 vjeç.
Droga ishte ndarë në blloqe dhe çanta të ndryshme. Nga ky operacion u sekuestruan 3 skafet me të cilat dyshohet se lënda narkotike është transportuar deri në thellësi të detit Jon ku është dorëzuar në anijen velierë në ujerat Santa Maria di Leuca ne Lecce, raporton abcnews.al.
Operacioni antidrogë nisi mbrëmjen e djeshme në brigjet e Santa Maria di Leuca , kur një helikopter i Guardia di Finanza, i cili kreu fluturimin për llogari të Frontex (Agjencia Evropiane e Rojës Kufitare dhe Bregdetare) vuri re tre persona në detin Jon të cilët shkarkonin pakot në një varkë me vela.
Në bordin e anijes, e cila më pas u dërgua në portin e Città Bella, u gjetën 992 kilogramë kanabis, të ndarë në 153 pako, secila me peshë nga 6 deri në 8 kilogramë.
Dy ukrainasit deklaruan ditën e djeshme se u ishte premtuar një shumë monetare për të kryer këtë udhëtim, raporton abcnews.al.
Sipas deklarimeve të dy ukrainasve të arrestuar, mjeti lundrues i është “dhënë nga një shtetas italian dhe i ishte thënë “të niseshin drejt Shqipërisë”.
Discussion about this post