Shtatë emigrantët e të cilët u nisën mbrëmjen e djeshme nga Porti i Shëngjini drejt Italisë, me një anije të Rojes Bregdetare Italiane, kanë mbërritur në Brindisi.
Katër gjykatësit e Departamentit të së Drejtës Civile e emigracionit në Gjykatën e Romës i kanë kërkuar Gjykatës Europiane të Drejtësisë një procedurë të shpejtuar mbi gjykimin e dë drejtës së azilantëve në bazë të kriterit “vend i sigurt”.
Kjo procedurë e shpejtuar vendimi mund të kërkojë nga 2 muaj deri në 2 vite kohë.
Në pritje të këtij gjykimi emigrantët duhet të qëndrojnë në një strukturë kampi për azilkërkuesit në Itali.
Ndërkohë pritet me shumë interes data 4 dhjetor 2024 kur Gjykata e Lartë Italiane do të japë vendimin mbi apelimin e qeverisë italiane përmes Ministrisë së Brendshme e Ministrit Matteo Piantedosi kundër vendimit të Gjykatës së Romës për dërgimin në Itali të 12 emigrantëve të zbarkuar në muajin tetor në Shqipëri.
Discussion about this post