Ndërkohë që sipas Reuters duke cituar dy zyrtarë egjiptianë, SHBA, Izraeli dhe Egjipti kanë rënë dakord për një armëpushim nga ora 9 e mëngjesit që të përkojë me hapjen e kalimit Rafah.
Por nga ana tjetër ka ardhur reagimi i qeverisë së Izraelit.
“Për momentin nuk ka armëpushim dhe as hyrje të ndihmave humanitare në Gaza në këmbim të daljes së shtetasve të huaj”.
Këtë e ka bërë të ditur zyra e kryeministrit izraelit Benjamin Netanyahu, duke komentuar lajmin për hapjen e kalimit Rafah mes Egjiptit dhe Gazës.
Pak më herët, edhe dy burime egjiptiane kishin deklaruar se SHBA, Egjipti dhe Izraeli ranë dakord të shpallin armëpushimin në jug të Gazës nga sot në orën 09:00 (koha lokale dhe greke), që do të përkojë me hapjen e kalimit Rafah, që lidh enklavën palestineze me Egjiptin.
Burimet kishin bërë me dije se armëpushimi do të zgjaste disa orë, por nuk specifikuan saktësisht se sa. Ata gjithashtu vunë në dukje se të tre vendet ranë dakord të mbanin të hapur kalimin Rafah deri në orën 17:00 (koha lokale) sot, si pjesë e një rihapjeje fillestare njëditore.
Në Rafah, në kufirin midis Rripit të Gazës dhe Sinait në Egjipt, është i vetmi vendkalim tokësor nga enklava në një zonë që nuk kontrollohet nga Izraeli.
Imazhet e publikuara nga Reuters treguan kamionë që transportonin ndihma humanitare nga organizatat joqeveritare egjiptiane në qytetin al-Arish të Sinait këtë mëngjes, duke pritur për të marrë leje për udhëtimin prej disa orësh në Rafah.
Discussion about this post