U nxorr pa ndjenja nga deti, 12-vjeçarit shqiptar i ka vdekur truri

Zhvillim dramatik në rastin e 12-vjeçarit që u nxorr pa ndjenja të dielën e kaluar nga deti në Georgioupolis në Chania.

Sipas drejtuesit të spitalit universitar të Heraklion ku po trajtohet fëmija, djalit i ka vdekur truri.

Siç tha për ERT, Giorgos Chalkiadakis , gjendja klinike e fëmijës është shumë e rëndë dhe nga analizat e kryera rezultoi se atij ka vdekur truri.

Prindërit e fëmijës nga Shqipëria janë njoftuar për zhvillimet, por ende shpresojnë për një mrekulli deri në momentin e fundit .

Historia tragjike nisi mesditën e së dielës (9/7) kur fëmija 12-vjeçar u nxorr nga një roje plazhi pa ndjenja në plazhin e Georgioupoli. Ai ka marrë menjëherë ndihmën e parë nga ekipet e shpëtimit, të cilët kanë shkuar në vendngjarje dhe kanë arritur ta rikthejnë në jetë.

Djali u dërgua me ambulancë në spitalin e Rethymnon, ku mjekët e intubuan dhe vendosën që ai të transferohej urgjentisht në PAGNI.