Një ngjarje e papritur ka ndodhur te klubi i Partizanit, ku mësohet se një lojtar është larguar pas vetëm një seance stërvitore me ‘Të Kuqtë’.
Massanga Matondo Chandrel Geraud, mesfushori 22 vjeçar kongolez vendosi të largohej edhe pse e kishte bindur trajnerin Ilir Daja dhe shihej si një emër i rëndësishëm për kampionatin që pritet të fillojë me datë 10 shtator.
Duket se shkak për këtë vendim është bërë kontrata që mesfushori kishte me klubin e AS Otoho në vendlindje.
Klubi nuk i dha atij lejen e kalimit, pavarësisht kërkesës së Partizanit. Ai u largua nga atje dhe erdhi në Shqipëri, por kushtet e kontratës me klubin e tij e detyroi të rikthehej në vendlindje./Gijotina.com
