Nga promoja e spektaklit të sotëm të “Big Brother VIP” është konfirmuar se do jetë një hyrje surprizë. Nuk dihet ende nëse bëhet fjalë për konkurrent të rinj apo për një surprizë ndaj banorëve aktual.
Gjithsesi në mediet rozë është përfolur shumë se pjesë e emisionit do të bëhet edhe ish-konkurrenti fitues, Vesel Kurtishaj.
Me anë të një statusi në Facebook, Veseli i “shuan zërat” duke thënë se nuk do të bëhet pjesë e “Big Brother VIP”.
“Unë mendoj që gjithçka qe kam pas me dhanë në Big Brother e kam dhanë njëherë. Njëkohësisht gjithçka që ka pas me u marr prej aty (fitoren) po ashtu e kam marr. Ata që nuk kanë fitu ndër vite, meritojnë të kenë edhe një shans, me hy me provu edhe njëherë, por unë jo. Unë po kam qejf me ju nguc najher me do foto por unë nuk jam banor i ri i BBvip e as nuk do t’jem. Dmth nëse najkush m’ka bo follow se ka mendu qe jam banor i ri, lirisht m’beni unfollow. Hajde kalofsha mire!”
Vesel Kurtishaj u bë i njohur edhe si prezantues, falë disa programeve që ka drejtuar në të kaluarën.
Por sigurisht njihet më së shumti si fitues i spektaklit “Big Brother Albania 8”, ndërsa është emër mjaft i ndjekur në rrjetet sociale, në të cilat është shpesh aktiv.
Discussion about this post