Zbardhen detaje nga aksidenti me vdekje që u shënua mbrëmjen e sotme në Devoll të Korçës. Viktima është identifikuar me emrin Ajet Hoxha, banor i fshatit Cangonj.
Ai ishte duke ecur në anë të rrugës, kur papritur u përplas nga një automjet me targa greke.
Aksidenti tragjik u shënua rreth orës 20:25, në aksin nacional Korçë-Devoll, në afërsi të vendit të quajtur “Ura e Progrit”.
Shoferi i identifikuar me iniciale A. K., i një mjeti tip “Opel”, ka përplasur këmbësorin Ajet Hoxha rreth 50 vjeç.
Mësohet se 50-vjeçari ishte një endacak që ishte duke qëndruar ulur buzë rrugës në momentin që u përplas nga automjeti.
Drejtuesi i mjetit është shoqëruar në polici.
Discussion about this post