U përplas në trotuar nga makina, ndërron jetë pas disa ditësh në spital polici

Ka ndërruar jetë në Spitalin e Traumës, Veli Gjura, efektivi i policisë të cilin disa ditë më parë, teksa po ecte në trotuar, e përplasi një mjet.

Kujtojmë se një 27-vjeçar me inicialet A.Sh., duke drejtuar një automjet tip “Golf”, dyshohet se humbi kontrollin e mjetit dhe doli nga rruga, duke përplasur fillimisht punonjësin e policisë dhe më pas një dyqan.

Nga verifikimet, rezultoi se drejtuesi i mjetit ishte  nën ndikimin e alkoolit në momentin e aksidentit.

Ai është arrestuar dhe shoqëruar në komisariat për veprime të mëtejshme procedurale.