Është përcjellë mes lotëve dhe dhimbjeve për në banesën e fundit 7-vjeçarja Jonada Avdiaj, e cila u vra teksa pushonte me familjen në plazhin e Potamit në Himarë. Ajo humbi jetën, pasi ajo u përplas nga një skaf, i cili drejtohej nga komisari Arjan Tase, me detyrë shefi i policimit në komunitet në Elbasan.
Pas ngjarjes, Tase është arrestuar nga policia, ndërsa akuza qe rendon mbi të është ajo e “vrasjes nga pakujdesia”. Sipas Agjencise se Mbikëqyrjes policore, në kundërshtim me rregullat e qarkullimit ujor, efektivi ka futur mjetin lundrues në hapësirën ujore të përcaktuar për pushuesit. Kjo hapësirë ujore ka qenë e rrethuar me bova plastike, sipas përcaktimeve në aktet ligjore që normojnë këtë aktivitet.
“Pas veprimeve hetimore në vendngjarje, administrimin e provave që dokumentojnë fajësinë e shtetasit Arjan Tase për veprën penale të “Vrasjes së kryer nga pakujdesia”, hetimet janë shtrirë edhe ndaj strukturave policore, të cilat në fushën e veprimtarisë që u ngarkon ligji, kanë përgjegjësinë për kontrollin dhe monitorimin e sigurimit të hapësirave ujore të rrethuar me bova për pushuesit. Gjithashtu grupi hetimor ka sekuestruar mjetit lundrues, i cili rezulton me dokumentacion të rregullt ligjor”, thuhet ne njoftimin e AMP.
Discussion about this post