Ashtu si çdo të shtunë, emisioni “Rudina” në Tv Klan, është rrethuar nga miq shumë të mirë, të cilët do të flasin për momentet më të rëndësishme që ka shënjuar jetën e tyre.
Për të folur në lidhje me këtë temë, ka qenë i ftuar edhe gazetari Leonard Olli, i cili ka rrëfyer për një aksident që ka pësuar me motor.
Ai e nisi historinë me një send që i ka shpëtuar jetën: skafandrin e tij. Olli shprehet: “Nëse ju sot më shikoni këtu në studio, më shikoni vetëm për shkak të kësaj kaske”.
Leonard Olli: Kjo lidhet ngushtë me jetën time, pasi kam pësuar një aksident. Nëse ju sot më shikoni këtu në studio, më shikoni vetëm për shkak të kësaj kaske.
Burbuqe Spahiu: Po si duket është dikush atje lartë që të do fort.
Leonard Olli: Po patjetër. Ai është i pari, por kjo është e dyta, sepse nëse do ta shikoni edhe nga kamera, këtu keni këto goditjet. Jam përplasur tek xhami i makinës dhe pastaj makina më ka hedhur 20 metra nga krahu tjetër.
Burbuqe Spahiu: Po ju keni qenë i përgjegjshëm sepse keni mbajtur skafandrin. Kjo është.
Leonard Olli: Kam udhëtuar. Kam ndërruar me dhjetëra kaska, edhe motorët pa diskutim.
Rudina Magjistari: Edhe pas aksidentit ke vazhduar ta ngasësh motorin?
Leonard Olli: Pa diskutim! Madje edhe kur kisha hekurat e jashtme, i jepja motorit prapë.
Rudina Magjistari: Gjithmonë më me kujdes ë, më ngadalë.
Leonard Olli: Po jo nuk ishte çështje shpejtësie. Ishte një moment fatkeq do të thoja. Është kjo ndonjëherë që ne flasim, por shumë pak na dëgjojnë këta drejtuesit e institucioneve. Degët e pemëve kishin bllokuar semaforin dhe nuk dukej nëse ishte e kuqe apo jeshile. Ishte dhe natë dhe në momentin që kam kaluar, ishte e kuqe për mua dhe jeshile për krahun tjetër, por unë as nuk e dallova fare. Dhe për këtë arsye, kjo kaskë udhëton bashkë mua. /tvklan.al
Discussion about this post