Efektivi i policisë “Delta” në Vlorë, Lisien Myrtaj, është liruar nga qelia dhe do të hetohet në gjendje të lirë. Vendimi është marrë nga gjykata e qytetit bregdetar ku Myrtaj pranoi plotësisht autorësinë e ngjarjes dhe paraqiti dinamikën e veprimeve duke theksuar se gjithçka e ka kryer për qëllime vetëmbrojtje dhe jo kriminale. Nga ana tjetër prokurori i Vlorës, Albert Kuliçaj, i tha gjykatës se ndaj punonjësit të policisë kishte nisur hetimet për akuzën e “Vrasjes me dashje” mbetur në tentativë në dëm të Benard Aliajt ndaj dhe kërkoi arrest me burg.
Në seancën gjyqësore rezultoi se personi Juxhin Aliaj, djali i kryeplakut të Kaninës, i publikuar nga mediat në Vlorë si protagonist në këtë ngjarje, s’ka asnjë lidhje me këtë përplasje dhe nuk ka qënë në vendgjarje. I gjithë konflikti verbal dhe më pas në përdorimin e armëve i zjarrit, ka ndodhur mes Benard Aliaj dhe punonjësit të policisë “Delta”, Lisien Myrtaj.
Gjyqtari Enkel Peza, pas shqyrtimit të dosjes penale caktoi ndaj tij masën e sigurisë “Detyrimi për tu paraqitur”. Në dosjen hetimore thuhet se efektivi i policisë ka qëlluar plot 7 herë me armën e shërbimit në drejtim të Benardo Aliaj ndërsa Në total pistoleta e tij ka pasur në krëhër 8 plumba. Pranë makinës së Benardo Aliaj, policia ka sekuestruar në tokë dy plumba të paplasur, ç’ka tregon se atij i është bllokuar dy herë pistoleta.
Discussion about this post