Edhe pse u përurua ne shumë bujë nga qeveria Rama, qytetarët e Fierit janë ankuar Spitali Memorial nuk po bën analizat për qytetarët. Burime bëjnë me dije se pacientët e shtruar aty vijnë me analiza të bëra nga klinikat private, duke rënduar edhe më shumë xhepat e tyre. Por kjo nuk mbaron me kaq, pasi ata i drejtohen për të lënë një datë për të kryer analizat, spitali i cakton ato sa më larg në mënyrë që ata tu drejton poliklinikave.
Ata që e vuajnë më shumë janë pacientët e moshuar. Edhe pse ata pyesin në spital, qytetarët nuk kanë marrë ende një përgjigje se kur do të nisë kryerja e këtyre analizave shëndetësore. Rikujtojmë se Spitali Memorial i Fierit, një investim i qeverisë turke u hap për të gjithë rajonin e Jugut në qershor të vitit, të kaluar. Më herët qeveria kishte njoftuar se spitali Memorial Rajonal Fier do të ofrojë shërbimin e urgjencës, kirurgjisë, neurokirurgjisë, kirurgjisë kardio-vaskulare, mjekësisë interne, kardiologjisë, neurologjisë, sëmundjeve infektive, pneumologjisë, shërbimin e ortopedisë dhe traumatologjisë.
Discussion about this post