I riu në foto është Redi Balla, i cili u gjet i plagosur në rrethana ende të paqarta brenda mjetit të tij. Ngjarja ndodhi mbrëmjen e djeshme rreth orës 22:35, tek lulishtja në rrethrrotullimin e Komunës së Parisit. 22-vjeçari është plagosur në këmbë, ndërsa ndodhet në spitalin e Traumës, nën kujdesin e mjekëve.
Fill pas ngjarjes, shërbimet e Policisë bënë rrethimin e zonës dhe po vijuan kontrollin e saj për të bërë të mundur identifikimin dhe kapjen e autorit.
Redi Balla, është mbështetës i zjarrtë i ish-kryeministrit Sali Berisha. riu i cili ra pre e atentatit dhe mori dy plumba në zonën e kofshës në këmbën e djathtë, postonte në rrjetin e tij social ‘Facebook’, vite më parë mbështetjen ndaj Berishës.
Përpos tij, grupi hetimor ka marrë edhe dëshmitë e disa prej banorëve të zonës, por edhe pamjet nga disa kamera sigurie për të shkuar në gjurmët e autorit
22-vjeçari është i skeduar si tip problematik, pasi ka qenë më parë disa herë i shoqëruar për konflikte që kanë përfunduar në dhunë.
