Edis Reçaj, 28- vjeçari i cili u plagos mbrëmjen e djeshme me armë zjarri në Shkodër, ka mohuar njohjen me autorin para grupeve hetimore.
I riu ka treguar se një person me kapuç e ndoqi për disa minuta dhe më pas e qëlloi me një plumb në gjurin e majtë.
Por policia ka dyshime për dëshminë e tij, pasi referuar pamjeve filmike hetuesit besojnë se Edis Reçaj e njeh autorin dhe mes tyre ka pasur një konflikt teksa ishin duke lëvizur me makinë.
Mësohet se në vendngjarje është gjetur vetëm një gëzhojë. 28-vjecarin e ka dërguar në spital vëllai i tij.
Sipas policisë, ai nuk është person me precedent penal dhe dyshimet janë se plagosja ka ardhur pas një konflikti të çastit.
Policia e Shkodrës përmes pamjeve të kamerave të sigurisë të bizneseve ka mundur të identifikojë autorin e plagosjes së 28-vjecari Edis Reçaj në lagjen Perash. Emri i tij nuk bëhet publik për arsye hetimore.
Discussion about this post