Lorenc Kosta, 45-vjeç është plagosur ditën e sotme nga efektivi i policisë Erjon Goxhara. 45-vjeçari është plagosur në pjesën e këmbëve dhe ndodhet për mjekim në spitalin e Traumës. Lorenc Kosta është punonjës te Enti Rregulator i Energjisë nga Shqipërinë (ERE), me funksioni mbikëqyrës në inxhinierinë elektrike.
“Tiranë/Informacion paraprak. Më datë 19.08.2024, rreth orës 14:07, në afërsi të një marketi te rrethrrotullimi i Komunës së Parisit, dyshohet se për motive të dobëta, shtetasi E. G., (punonjës Policie) ka plagosur me armë zjarri shtetasin L. K., 45 vjeç, i cili ndodhet në spital, në kujdesin e mjekëve.
Grupi hetimor ndodhet në vendngjarje dhe nën drejtimin e Prokurorisë po punon për kapjen e autorit të dyshuar dhe sqarimin e rrethanave të ngjarjes.”-njoftoi policia.
Autori Erjon Goxhara, punonjës policie, e ka plagosur 45-vjeçarin pasi ky i fundit dyshohet se i ka ngacmuar partneren.
gijotina.com/
Discussion about this post