– Lidhur me plagosjen e 27-vjeçarit Xhuljano Goga një ditë më parë në Berat, bëhet me dije se policia ka konfiskuar kamerat e sigurisë së bizneseve e banesave përgjatë rrugës, për të identifikuar autorin e ngjarjes. Bëhet me dije se Xhuljano Goga ka mbërritur vetë në spital, ku më pas i është nënshtruar një ndërhyrje kirurgjikale, por gjendja e tij paraqitet kritike. Ai ka refuzuar që të japë dëshmi sesi është plagosur, por mësohet se është qëlluar me armë sapo ka dalë nga banesa e tij.
Berat/Informacion paraprak
Në Spitalin Rajonal Berat, është paraqitur për ndihmë mjekësore shtetasi Xh.G., 27 vjeç, banues në Berat, i cili dyshohet se në rrethana ende të paqarta, është plagosur me armë zjarri në këmbë.
27 vjeçari në momentet e para të marrjes në pyetje, ka refuzuar të japë shpjegime në lidhje me rrethanat e ngjarjes. Grupi hetimor vijon punën për zbardhjen e rrethanave të ngjarjes, identifikimin dhe kapjen e autorit.
Xhuljano Goga banues në lagjen “Uznovë” në Berat, ka mbërritur vetë në spital me mjetin e tij, i mbuluar me gjak por nuk ka treguar se kush e ka plagosur. Sipas mjekëve të repartit të kirurgjisë, plumbi e ka kapur në kofshë ku dyshohet se i ka prekur venën kryesore. Dyshohet se i riu është qëlluar me armë silenciator, pasi sipas banorëve, nuk janë dëgjuar të shtëna.
Discussion about this post