Pak minuta më parë Gentjan Bejtja dhe Klod Stafuka u dërguan në “Spitalin Ushtarak”, pasi u plagosën me armë zjarri. Nuk dihen ende shkaqet e plagosjes, pasi deri më tani asnjëri Prej tyre nuk ka dhënë detaje, madje nuk dihet as vendi se ku u plagosën. Por, emrat e tyre nuk janë të panjohur për policinë, përkundrazi janë autorë të ngjarjeve të rënda të raportuara në vend.
Në vitin 2016, ish-polici Gentian Bejtja mbeti i plagosur pas një atentati me eksploziv në automjetin e tij. Që në atë kohë riu nga Larushku, rezulton person me precedentë penalë të mëparshëm në fushën e veprave penale kundër personit dhe pronës, por ndonëse është arrestuar disa herë ka arritur t’i shpëtojë burgut.
Ndërkohë, emri i Gentianit është lakuar edhe gjatë hetimeve për vrasjen e kryekomisarit Dritan Lamaj, pasi ai u dyshua si një nga autorët e vjedhjes së makinës nga e cila u vra Lamaj, në shkurt 2013. Ai bashkë me Enver Stafukën, u akuzuan për vjedhjen e mjetit tip ‘BMV’, e cila u përdor nga. Enver Stafuka u rrëmbye para një viti nga 4 persona të veshur me uniforma policie, ndërsa nuk dihet ende fati i tij. Sipas gazetares Klodjana Haxhiaj, Stafuka bashkë me Bejtjan, u hetuan nga Prokuroria e Durrësit e më pas nga Krimet e Rënda.
Ndërkohë, Krimet e Rënda ia kaluan çështjes Apelit në Durrës, ku Bejtja mori pafajësinë. Pak kohë më pas Bejtja u arrestua në flagrancë më arsenal armësh, pasi iu gjetën armë automatike, ‘Skorpions’. Më pas ky u arrestua si pjesëtar i grupit të ‘Larshkut’, të cilët kishin kryer një seri vjedhjes të makinave. Sakaq, i paqartë ngelet fakti se si 35-vjeçari ka fituar lirinë, duke dalë nga burgu pas akuzave të ngritura ndaj tij.
Sakaq, dyshohet se dhe i plagosuri Klod Stafuka të jetë i përfshirë në këto ngjarje, pasi ka lidhje me Enver Safukën, çka lë të kuptohet se plagosja e tyre erdhi si pasojë e ngjarjeve në të shkuarën. Gjithsesi për të hedhur më shumë dritë mbi këtë ngjarje, pritet të dalin të dhënat e policisë dhe dëshmia e të plagosurve.
Discussion about this post