Sot në Athinë u arrestua Jani Alia, një nga personat më të kërkuar nga drejtësia shqiptare, dënuar në mungesë me burgim të përjetshëm.
Por kush është Jani Alia?
Më 2023, Apeli i GJKKO-së i sekuestroi atij pasurinë, e cila dyshohet se është vendosur në mënyrë të paligjshme.
Jani Alia me origjinë nga Tepelena akuzohet për vrasjen e bujshme më datë 1 maj 2016 në Tiranë, ku u vra Elton Çiço në një lokal në ish-Bllok.
Shkak për vrasjen e Çiços dyshohet se ka qenë hasmëria mes rivalëve, e nisur në Greqi, kur të dy ishin në burg. Alia kishte qenë në burg për vrasje, ndërsa Çiço për trafik droge. Policia dyshonte se shkak ka qenë fakti se Elton Çiço, gjatë një konflikti në burg në vendin fqinj, e kishte plagosur Jani Alinë.
Dyshohet se konflikti kishte vijuar edhe në Shqipëri, ku Alia ishte plagosur edhe në Gjirokastër. Edhe për këtë ngjarje i dyshuar kishte qenë Elton Çiço.
Discussion about this post