Aksidenti tragjik që i mori jetën legjendës së NBA, Kobi Brajant dhe vajzës së tij vazhdon të mbetet një çështje e hapur për shkak të publikimit të disa fotove që tregonin gjendjen e trupave të tyre pas përplasjes me helikopterin ku ata udhëtonin.
Ka qenë “Los Angeles County”, media e parë që siguroi fotot nga vendi i ngjarjes të cilat u shpërndan me shpejtësi dhe u përdorën dhe nga mediat e tjera, çështje që ka acaruar maksimalisht Vanesa Brajant, gruan e ish-basketbollistit e cila ka kërkuar një dëmshpërblim prej 75 milionë dollarësh.
Vanesa e ka cilësuar publikimin e fotove si një shkelje e rëndë e privatësisë dhe etikës duke ju drejtuar gjykatës me një kërkesë zyrtare lidhur me ngjarjen, me autoritetet që pritet të shpallin një vendim për çështjen në javët e ardhshme.
“Ndihem e shkatërruar, e lënduar dhe e tradhtuar nga punonjësit e qarkut që zbuluan fotot,” i tha ajo një gjykate të kontesë në Los Angeles, duke shtuar se ajo nuk i ka parë ende ato imazhe sepse dëshiron t’i “kujtojë ashtu siç ishin”.
Discussion about this post