Reagimet e para vijnë si pasojë e vendimit të madh të marrë pas asaj që ndodhi të dielën e kaluar në Mestalla. Iglesias Villanueva zëvendësohet nga Soto Grado në VAR të ndeshjes mes Betis dhe Getafe , që do të zhvillohet nesër, më 24 maj në Villamarín, me fillim nga ora 22:00.
Po kështu, Ángel Nevado është zëvendësuar edhe për AVAR-in e ndeshjes mes Osasuna-s dhe Athletic , e cila do të zhvillohet të enjten e ardhshme, më 25 maj.
Ky vendim, siç theksoi dje media spanjolle “MARCA”, vjen në një moment kur arbitri do t’i bashkohej ekipit të VAR-it për herë të fundit. Megjithatë, RFEF (Federata Mbretërore e Futbollit Spanjoll) dhe CTA (Komiteti Teknik i Arbitrave) kanë vendosur që as kjo të mos ndodhë.
“Vendimi vjen i nxitur nga shfaqja e pamjeve që De Burgos Bengoetxea pati në dispozicion që nënkuptonte dëbimin e Vinicius. Ata nuk mund të gjejnë arsyen pse sekuenca e dërguar i referohej vetëm goditjes së brazilianit në fytyrën e Hugo Duros dhe jo pjesa tjetër e zënkës (momenti kur Duro, e shtrëngon në fyt, duke i rrezikuar jetën)” , vuri në dukje gazetari José Félix Díaz në informacionin e tij.
Nga ana e tij, De Burgos Bengoechea nuk është caktuar për këtë rast dhe vazhdon të jetë arbitri kryesor i duelit “Beticos” dhe “Azulónes”./MARCA
Discussion about this post