Senatori dhe kandidati presidencial kolumbian, Miguel Uribe, ka ndërruar jetë dy muaj pas sulmit me armë zjarri gjatë një tubimi zgjedhor në Bogota. Gruaja e tij, Maria Claudia Tarathona, konfirmoi lajmin për vdekjen në rrjetet sociale.
Një 15-vjeçar është arrestuar si i dyshuari kryesor për sulmin, ndërsa policia vijon hetimet për të zbuluar nëse kishte edhe bashkëpunëtorë të tjerë. Ky incident riktheu kujtime të periudhës së trazuar të viteve 1980 dhe 1990, kur shumë politikanë dhe figura të njohura kolumbiane ishin në shënjestër të dhunës.
Miguel Uribe, i zgjedhur senator në vitin 2022 dhe kandidat për nominimin presidencial në 2026, ishte i njohur për angazhimin dhe vendosmërinë në politikë. Pas sulmit, gruaja e tij kishte kërkuar mbështetje dhe lutje për shërimin e tij, por pavarësisht operacioneve të shumta, Uribe nuk arriti të mbijetojë.
Discussion about this post