U qëllua me armë zjarri nga bashkëatdhetari, ndërron jetë në spital 23-vjeçari shqiptar

Ka ndërruar jetë në spital i riu nga Mitrovica, i cili u plagos me armë zjarri mbrëmjen e së enjtes në Podgoricë të Malit të Zi.

Binak Kabashi nga Shipoli i Mitrovicës ndërroi jetë sot si pasojë e plagëve të marra nga të shtënat me armë zjarri mbrëmjen e së enjtes në Podgoricë të Malit të Zi, pas debatit që ndodhi mes tij dhe një shtetasi shqiptar me inicialet E.B., 23-vjeç.

Kujtojmë se i riu dërgua në Qendrën Klinike të Malit të Zi, por nuk mundi t’u mbijetojë plagëve dhe ndërroi jetë në spital.

Lajmin për vdekjen e të riut e ka konfirmuar edhe babai i tij, Aliu përmes një postimi në Facebook.

Sipas Policisë së Malit të Zi, autori E.B u arrestua në kanionin e lumit Moraça, dhe po përballet me akuza për vrasje.