Detaje të reja janë bërë publike nga vrasja e producentit shqiptar në Britani, Flamur Beqiri, i njohur si “Alex”, i cili u qëllua për vdekje me breshëri plumbash në derën e shtëpisë më 24 dhjetor të 2019 në Londër.
Viktima sipas BBC ishte pjesë e “krimit të organizuar”. Prokurorët pretendojnë se vrasja e Beqirit erdhi si pasojë e përshkallëzimit të dhunës midis dy grupeve rivale nga Suedia.
Bashkëshortja e tij, Debora Krasniqi, e ka mohuar një pretendim të tillë. Hetuesit thanë në gjykatën e Southëark Croën se ai ishte pjesë e një rrjeti të krimit të organizuar i përfshirë në “rivalitet të dhunshëm” me një grup tjetër.
Babai i dy fëmijëve dyshohet se merrej me “tregti ndërkombëtare të drogës” që nga viti 2007 dhe ishte arrestuar disa herë në Evropë.
Gjykata dëgjoi mikun e tij të ngushtë Naief Adawi, 37 vjeç, i cili jetonte aty pranë në Londër dhe u burgos për tetë vjet në Danimarkë në vitin 2010 për grabitje të rëndë me një armë. Ai u përshkrua para drejtësisë si “një nga krimet më të mëdha” në historinë e vendit.
Flamur Beqiri njihej si një producent muzikor, por ishte proceduar në vitin 2008 për futjen e një sasie kokaine me vlerë 2 milionë dollarë në Skandinavi. Shqiptari i njohur gjithashtu si “Alex” ishte larguar nga Suedia 5 vite më parë pasi ishte kërcënuar me jetë. Ai u zhvendos në Britani dhe pas martesës bleu një shtëpi në një nga zonat më të mira të Londrës.
Discussion about this post