Komandanti i flotës ruse të Detit të Zi u raportua se është vrarë në shkatërrimin e shtabit të saj në Sevastopolin e pushtuar javën e kaluar, por duket se ai ka mbijetuar, nëse një video e publikuar nga ministria ruse e mbrojtjes mund të merret si e vërtetë.
Zyrtarët ukrainas “konfirmuan” publikisht të hënën se admirali Viktor Sokolov ishte midis 34 oficerëve të lartë të vrarë në një sulm me raketa në selinë e Flotës së Detit të Zi të premten e kaluar.
Kjo video ka trazuar shumë situatën, pasi rusia njihet për mashtrimet e saj, ku shpesh shfaq komandatët e vrarë apo të dëmtuar në luftim si “shëndoshë e mirë” për të treguar forcën, por edhe Ukraina ka bërë shumë deklarata të rreme në lidhje me vrasjen e komandatëve të lartë.
Në videon e së martës, ministri i Mbrojtjes Shoigu pretendoi se më shumë se 17,000 ushtarë ukrainas ishin vrarë në shtator dhe shtatë automjete luftarake amerikane Bradley, ishin shkatërruar, raportoi Reuters.
Discussion about this post