Gjykata e Posaçme ka vendosur të shtyjë për të premten tjetër seancën e shqyrtimit të kërkesës së rradhës të ish-ministrit Lefter Koka. Ky i fundit pretendoi zbutje të masës së sigurisë “arrest me burg”, për aferën e inceneratorëve të Fierit.
Lexo edhe: “Mund të largohej jashtë”, gazetarja jep detajet për Alqi Bllakon
Në seancën e sotme GJKKO administroi akt-ekspertimin e mjekëve ligjor mbi gjendjen shëndetësore të ish-ministrit. Sipas akt-ekspertimit Lefter Koka është në gjendje të rëndë dhe ka probleme të rënda me zemrën.
Dy javë më parë Gjykata e Posaçme refuzoi kërkesën e Kokës për ndryshim të masës së sigurisë “arrest në burg” për inceneratorin e Elbasanit. Ndërkohë, ish-deputeti i Partisë Socialiste, Alqi Bllako, u rikthye në masën e sigurisë “arrest në burg”, nga Apeli i GJKKO. Mësohet se është dërguar në paraburgimin e Durrësit dhe është në të njëjtën qeli me Lefter Kokën.
Discussion about this post