U rikthye në fushë pas më shumë se 1 muaji, ylli i Chelsea-s infektohet me Covid-19

Klubi i Chelseas ka marrë një lajm aspak të mirë, me Mateo Kovacic që ka rezultuar pozitiv për Covid-19.

Vetëm një ditë pasi u rikthye në stërvitje pasi kaloi lëndimin që kishte në kofshë, ai tashmë do duhet të qëndrojë edhe për disa javë të tjera jashtë fushave. Kroati  ka humbur tetë ndeshjet e fundit të ‘Bluve’ të Londrës për shkak të një lëndimi të pësuar në stërvitje në tetor.

Ishte trajneri Tuchel ai që e bëri publik këtë lajm përmes një komunikimi për mediat, ku theksoi se mesfushori ishte i lumtur që u rikthye, por tashmë do qëndrojë sërish jashtë.

“Mateo ishte në stërvitje dje me një buzëqeshje të madhe dhe ishte kënaqësi e vërtetë që u kthye ai. Por, ai rezultoi pozitiv sot për COVID-19 dhe është në izolim”-theksoi tekniku.

Po ashtu trajneri i Chelseas shtoi se Jorginho dhe N’Golo Kante nuk do të jenë në dispozicion të tij për udhëtimin në Rusi./K.T/Gijotina.com