Adama Traore tashmë është zyrtarisht lojtar i Barcelonës, i cili do të mbajë mbi supe fanellën me numrin 11.
Spanjolli ka treguar se është shumë krenar që kthehet në një shtëpi që e njeh mirë, ndërsa falënderon presidentin e katalanasve që bëri të mundur rikthimin e tij në “Camp Nou”.
“Së pari dua të falënderoj presidentin, sepse ai bëri gjithçka për ta bërë këtë. Unë jam larguar nga shtëpia për shtatë vjet dhe jam shumë i lumtur që jam kthyer. Do të bëj gjithçka që është e mundur për t’i bërë tifozët të lumtur. Unë jam më me përvojë pasi kam luajtur në një ligë tjetër, e cila është më fizike dhe ku kam mësuar shumë. Jam i lumtur që do të punoj sërish me Laportën dhe Xavin, uroj që Barça të ketë sukses” – ka deklaruar Adama.
Discussion about this post