U rrah me shufër hekuri, ky është personi që dhunoi kancelarin e gjykatës në Elbasan (EMRI)

Është identifikuar autori që dhunoi me shufër hekuri kancelarin e gjykatës në Elbasan dhe personi që e ndihmoi të largohej nga vendi i ngjarjes.

Ngjarja ka ndodhur mbrëmjen e 10 prillit në lagjen Aqif Pasha. Dy të rinjtë me shkopinj në duar, pasi dhunuan kancelarin vrapuan drejt një makine tip Golf të parkuar në zonë dhe largohen në drejtim të paditur.

Nga këqyrja e pamjeve të kamerave në zonë policia mundi të identifikojë një prej të dyshuarve dhe ta shpallë atë në kërkim. Bëhet fjalë për 24-vjeçarin Usama Gashi nga Elbasani.

Policia dyshon se dhuna ndaj kancelarit lidhet me punën e tij në gjykatën e këtij qyteti. 24-vjeçari i shpallur në kërkim ka lidhje me një person me precedent të theksuar në Elbasan dhe dyshohet se ai të ketë urdhëruar sulmin ndaj kancelarit pasi ky i fundit nuk e ka njoftuar për një çështje gjyqësore të tij.