Të tjera detaje dalin nga vrasja e Alban Semakut, 38-vjeçarit ish-anëtar i bandës së Lushnjës i cili u gjet i pajetë sot në Peqin, pranë lumit Shkumbin.
Bëhet me dije se 38-vjeçari është qëlluar me pistoletë. Në trupin e viktimës janë gjetur katër predha të kalibrit 9 mm, një në kokë dhe tre në shpinë.
Viktima mund të jetë rrëmbyer në qytetin e Lushnjës dhe më pas është transportuar përmes fshatrave në drejtim të Peqinit, ku edhe u ekzekutua me katër plumba.
Trupi i pajetë i Semakut u gjet pranë një muri me blloqe, ndërsa grupit hetimor iu deshën disa orë për të identifikuar viktimën. 38-vjeçari është emër i njohur për drejtësinë, pasi ka qenë pjesë e bandës së Aldo Bares në Lushnje. Semaku është dënuar për vrasje dhe në maj të këtij viti ka dalë nga burgu.
