3 policët kosovarë, Rifat Zeka, Beqir Sefi dhe Mustafë Shemi, që ishin rrëmbyer më 14 qershor nga policia serbe janë liruar me vendim të Gjykatës në Kralevë.
Pas rrëmbimit ka patur shumë thirrje nga ndërkombëtarët për lirimin e tyre, por deri sot ata u mbajtën në burg në Serbi.
Para disa ditësh në një konferencë për media, kryeministri Kurti dhe ministrja Gërvalla, kanë shpalosur detaje për vizitën e ambasadorit Jetishi tek tre policët kufitarë.
Kurti tha se policët i kanë rrëfyer Jetishit momentin e rrëmbimit nga njësitë serbe.
“Të tre kanë qenë bashkë. Të tre e kanë rrëfimin e njëjtë kur pyetën ndaras nga njëri-tjetri nga ambasadori ynë. Përshkrimi i policëve është i njëjtë. Janë tri rrëfime të ndara identike, të cilët thonë se në momentin e rrëmbimit më 14 qershor kanë qenë tek tryeza e improvizuar për ngrënie. Pra kanë qenë duke ngrënë drekë kur 15 persona i kanë rrethuar, sulmuar dhe rrëmbyer.
Discussion about this post