Një turist grek është rrëzuar nga një mur në kalanë e Gjirokastrës dhe ka përfunduar në spitalin qytetit. Sipas policisë, bëhet me dije se rreth orës 22:00, në spitalin Rajonal Gjirokastër ka shkuar për të marrë ndihmën mjekësore shtetasi grek K. V., 39 vjeç.
39-vjeçari është rrëzuar nga një mur në kalanë e qytetit Gjirokastër dhe ka marrë dëmtime në pjesë të ndryshme të trupit. Mësohet se 39-vjeçari ndodhet jashtë rrezikut për jetën.
Në vendngjarje ndodhet grupi hetimor dhe po punon për sqarimin e rrethanave të situatës.
Discussion about this post