Gjatë kohës që ka qenë në “Big Brother Vip”dhe pas daljes nga shtëpia, Beatrix ka qenë gjithmonë në fokusin e njerëzve të cilët herë e mbështesnin dhe herë e bullizonin. Ditën e djeshme përmes një video në Instagram, Trixa ka thyer heshtjen me lot në sy, duke dhënë kështu edhe një mesazh për të gjithë ata që bullizohen.
“Kjo video është për të gjithë personat aty jashtë ku bashkë me mua kanë vuajtur nga bullizmi. Unë zgjodha të hesht duke menduar që e gjithë kjo ishte pasojë e pjesëmarrjes në një program ku jeta private bëhet publike, por ASGJË nuk është një justifikim për Cyber Bullying. Unë nuk e meritoj, ti nuk e meriton, prandaj mos u nënshtro! Le të jetë ky një mesazh force që ti nuk je vetëm, por jemi bashkë. Duke i dhënë dorën e duke përkrahur njëri-tjetrin ta bëjmë këtë një botë më të mirë”, ka shkruar këngëtarja.
Të shumta kanë qenë reagimet pas videos së Beatrixit. Mes shumë mbështetësve të saj, komentet inkurajuese nuk kanë munguar as nga figurat publike, që kanë dënuar bullizmin online e i kanë dalë në krah këngëtares.
Einxhel Shkira, me të cilën Beatrix ka patur një raport shumë të mirë në “Big Brother VIP” i ka bërë reply komentit të një faqeje që i thotë Beatrix të bëhet si Einxhel, duke shkruar: “Nuk paske lënë vend për mua për të folur. Bëje këtë botë tënd dhe bëj që lumturia të jetë i vetmi limit i yti”.
Ndërkohë një mesazh shumë inkurajues Beatrix e ka marrë nga këngëtarja Leonora Jakupi, që i shkruan se këto janë çmimet që paguajnë personazhet publike por i rikujton se duhet të jetë krenare për atë që është dhe përfaqëson.
“Ky është çmimi që duhet të paguajmë duke qenë njerëz publik. Të gjykojnë, të paragjykojnë, të shajnë, të përbuzin etj., duke mos vënë veten asnjëherë në pozitën e tjetrit. Bëhu vajzë e fortë ashtu siç je dhe krenare nga je kush je dhe nga kush ke marrë gjithë këtë edukatë moj e bukura. T’i marrshin të ligat ata që të bullizojnë ty.”- përfundon ajo.
“Liria vjen kur ti mëson të lësh që të largohen, krijimi vjen kur ti mëson të thuash jo”– shkruan Kelvi Kadilli kurse Olta Gixhari ka zgjedhur ta inkurajojë duke shkruar: “Sa e bukur je”.
Kushërira e saj, Anxhelina i shkruan se: “Disa njerëz duan të shohin se gjërat po të shkojnë keq ty sepse asgjë nuk po shkon mirë për ta”.
Ndërsa Agnesa: “Lëri të të gjykojnë dhe të të keqkuptojnë. Opinionet e tyre nuk janë problemi yt. Ti qëndro e sjellshme, e lidhur me dashurinë dhe lirinë. Nuk ka rëndësi se çfarë ata thonë dhe bëjnë, kurrë mos e vendos në dyshim vlerën tënde. Thjesht vazhdo të shkëlqesh siç shkëlqen”.
Erik Fullani: Dhe pse jam pak kundra ksaj pjeses qe me “bullizojn” ne aspektin qe u have to stand up and fight back. Gjithsesi kam qen vet nmosh delikate kur kam pas cdo portal llumhan e cdo individ pashkoll kundra. Nga cka kam msuar un, do te thoja vetem qe mos e vrit mendjen fare se ato qe fshihen pas fjaleve te keqija dhe mallkimeve neper rrjete sociale jan per te ardhur keq. Un tnjof qe tvogel familjarisht dhe kam sh respekt per ty dhe per familjen. Zgjodhen disa njerez te vegjel qe skan len pisllik e gjera kundra moralit pa bere, te te gjykoj ty per praktikisht asgje te keqe qe “bere”. Tputh fort dhe vazhdo perpara. Strength is ëhat ëe gain…
Discussion about this post