Pasi kryedemokrati Basha shkarkoi Flamur Nokën nga funksioni i Nënkryetarit të Komisionit të Sigurisë, Noka u shpreh për Syri TV se ky vendim vjen si pasojë e qëndrimeve të tij dhe ishte i pritshëm nga dikush që shkarkoi dhe Berishën.
Noka theksoi se nuk e shqetëson aspak ky vendim pasi Basha i ka kërkuar të heshtë dhe se ai nuk mund të jetë dakort me ‘pushkatimin’e partisë nga Rama.
Arsyeja e këtij vendimi sot sipas Bashës është se Noka ka përbaltur Kryetarin e Partisë Demokratike duke sajuar gjëra të paqena sajesa të përsëritura.
“Ai shkarkoi Sali Berishën, si mund të mos më shkarkonte mua? Gjithçka për t’u Ai shkarkoi Sali Berishën, si mund të mos më shkarkonte mua? Gjithçka për t’u kapur pas karriges, ësht peng dhe e urdhërojnë të tjerët gjithçka që bën. Nga një peng pritet gjithçka. Vjen si pasojë e reagimeve dhe qëndrimeve të mia. Unë nuk hesht, nuk e pranoj dot që partia ime të pushkatohet dhe të shkelet me këmbë. Nuk do të ndërmarr asnjë hap. Në aspektin personal kjo gjë nuk më shqetëson sepse nuk i lidh gjërat me Bashën, une e kam lidhur fatin tim me PD. Jam rritur në atë parti. Kemi kaluar 97 në atë parti. Më shqetëson se ku ka degraduar lidershipi i partisë time. Për të tjerat nuk kam asnjë shqetësim. Basha në përpjekjet e fundit po bën veprime të tilla para se të shkarkohet për vete. Ai është i shkarkuar sepse anëtaria është duket firmosur një formular për një kongres të jashtëzakonshëm. Kam kërkuar që forca jonë politike të përballet me regjimin dhe jo të shkarkohet nga kryetari. Nuk kam pranuar nënshtrimin ndaj Bashës dhe kjo është pasoja. Ka një gjë. Sot kjo parti tregoi që udhëhiqet nga një kryetar që ka frikë. Si mund të mundë Edi Ramën, kur ka frikë që të përballet me deputetët e tij. Ai është në përpjekjet e fundit për t’u kapur me kthetra pas karrigeve. Ai është peng dhe i shitur. Të jeni të sigurtë që asgjë në botë nuk më ndalon që të mbrojë partitë dhe vlerat. Jo Basha po askush në këtë tokë. Do i qëndroj parimeve të mia. Kam punuar për atë parti, është thjesht pengmarrës.” – u shpreh Flamur Noka.
Flamur Noka ishte një nga deputetët e parë që doli kundër Bashës pasi ky i fundit përjashtoi nga grupi parlamentar i PD-së, liderin historik të demokratëve Sali Berisha. Vendimi për Berishëm u mor një ditë parë se të niste Kuvendi, rreth 3 muaj pasi Berisha u shpall “non grata” nga DASH. Që nga vendimmarrja e Bashës, Noka ka qenë një nga zërat kundër ndaj kryedemokratit duke shoqëruar Berishës në takimet që ai po zhvillon për të mbledhur firmat e demokratëve për të thirrur një Kuvend të jashtëzakonshëm.
Përplasja më e fundit mes Nokës dhe Bashës, ndodhi në mbledhjen e sotme të Kryesisë, ku deputeti pretendoi se kryedemokrati e cilësoi qeverinë e Berishës si “llum”. Por ky pretendim u hodh poshtë nga selia blu.
