Shkarkimi i befasishëm i Drejtorit sportiv të Bayern Munich, Hasan Salihamidzic, duket se nuk do të “gëlltitet” lehtë nga boshnjaku, i cili mund të “gjobisë” arkat e Bayern Munich, me dëmshpërblimin që pritet të jetë i lartë, për ish-anëtarin e organikës së “bavarezëve”.
Sipas raportimeve të gazetarit të mirënjohur të Sky Sport, Florian Plettenberg, Salihamidzic ka të drejtën e një dëmshpërblimi, që varion nga 6 deri në 8 milionë euro, me kontratën e boshnjakut që skadonte në vitin 2026.
Hasan Salihamidzic u shkarkua pasditen e së shtunës menjëherë pas shpalljen kampion të Bundesliga, teksa mbante pozicionin e Drejtorit sportiv të “bavarezëve”, që prej vitit 2017.
Discussion about this post