Zana Çela mbajti për plot 6 vite detyrën e drejtoreshës së Teatrit Kombëtar të Operas së Baletit dhe Ansamblit Popullor, dhe dështoi të rizgjidhej për një mandat tjetër ndonëse konkurroi. Qeveria me vendim të formës së prerë në vend të saj zgjodhi violinisten dhe ish-drejtoreshën artistike në Opera, Abigeila Voshtina. Violinista Abigeila u zgjodh fituese mes 7 aplikantëve në konkurrim. Ndërkaq, Zana Çela ka reaguar për herë të parë pas vendimit të qeverisë.
Në një reagim për BalkanWeb, Çela tha se nuk ka marrë ende dokumentin e lirimit nga zyra.
“Në bazë të procedurave administrative, dokumenti quhet i marrë në administrim kur shkresa – vendimi vjen me protokoll, ky quhet dokumenti zyrtar që më jep të drejtën finale të informimit dhe zbatimit të vendimit. Me ta pasur këtë dokument do të shprehem plotësisht”.-tha Çela.
Discussion about this post