Policia e Tiranës ka njoftuar se ka gjetur të pajetë 36-vjeçarin me inicialet I.M, i cili ishte shpallur në kërkim për largim nga banesa. Sipas Policisë, 36-vjeçari u gjet pa shenja jetë brenda një bunkeri në zonën e Institutit Bujqësor.
Kujtojmë se ditën e djeshme vëllai i viktimës, A.M, kishte bërë denoncimin se ai ishte larguar nga banesa. Nga këqyrja paraprake nuk janë konstatuar shenja dhune.
Ndërsa trupi i 36-vjeçarit është transportuar në morg, për ekzaminime të mëtejshme, për të përcaktuar shkakun e vdekjes.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post