Skuadra e Tiranës është shpallur matematikisht fituesja e Superligës dhe këtë sukses e siguroi në derbin më Partizanin, ku mundi të kuqtë me rezultatin 2-1. Për fitoren e Tiranës ka reaguar edhe Presidenti i FSHF-së, Armando Duka, i cili në një postim në facebook uron Tiranën për titullin e 26-të kampion të Shqipërisë.
Duka shkruan më tej se më e bukura është përpara ku Tirana ka ‘barrën’ që të nderojë futbollin shqiptar në arenën ndërkombëtare.
“Urime Tirana! Të dashur miq, Dua t’i shpreh urimet më të mira KF Tirana për titullin e 26-të kampion. Sot është një ditë e merituar feste për lojtarët, stafin teknik, drejtuesit dhe tifozët. Një rrugëtim plot emocione në një kampionat me të vërtetë të bukur ku ende shumë enigma janë për tu zbardhur. Më e bukura është përpara dhe klubi duhet të fillojë punën nga nesër për të nderuar futbollin shqiptar në arenën ndërkombëtare” – shkruan Armand Duka.
Discussion about this post