Bujar Sefa (Xaka), i cili është shpallur në kërkim për kultivim kanabisi, në kuadër të operacionit ‘Noja’ në Krujë, është një emër i njohur për drejtësinë italiane, pasi së bashku me vëllezërit e tij akuzohet për trafikun e drogës nga Holanda drejt Italisë.
Sefa është dënuar në Itali, me 12 vjet e 9 muaj dhe i janë konfiskuar pasuri me vlerë deri në 346 mijë euro. Sipas akuzës, ai ishte drejtuesi dhe organizatori i një grupi trafikantësh dhe tregtarësh të drogës në Itali, ndërsa është shpallur në kërkim.
Në bashkëpunim me vëllezërit e tij, Sefa organizonte punën dhe shpërndante drogë nga Holanda në Itali, konkretisht në zonën e Venecias dhe Mestra. Më pas vëllezërit e 33-vjeçarit, Islam Sefa dhe Jetmir Sefa, merreshin me shpërndarjen e drogës tek shitësit e vegjël dhe mblidhnin paratë.
Ndërkohë, vëllai i tij tjetër, Hajdar Sefa, është arrestuar si pjesë e bandës së grabitësve “Babagjyshat”.
