Ish-kryeministri Sali Berisha ka kujtuar sot pritjen e George W Bush në Tiranë. 14 vite më parë, Bush asokohe president i Shteteve të Bashkuara të Amerikës erdhi në Tiranë, në të parë vizitë të një presidenti amerikan në vendin tonë.
Në një postim në rrjetet social, Berisha e cilëosn si ditë historike në marrëdhëniet miqësore midis Shqipërisë dhe SHBA-së.
“Një ditë historike në marrëdhëniet miqësore midis Shqipërisë dhe Shteteve të Bashkuara të Amerikes! Vizita e Presidentit George W Bush në Shqipëri,” shkruan Berisha.
Ish-kryeministri është shpallur së fundmi “non grata” nga Departamenti Amerikan i Shtetit. Berisha pretendon se ky vendim nuk është vazuar në prova dhe ka paditur për shpifje Sekretarin Amerikan, Anthony Blinken.
