“U shqetësuan nga posteri im”, ironia e Këlliçit: Po pres “Urdhrin e Psikologut”

Belind Këlliçi, i cili në 14 maj garoi për kryebashkiak të Tiranës, ka reaguar me ironi pas shfaqjes së video-skandalit të ish-kryebashkiakut të Kukësit, Safet Gjici, i cili shfaqet në zyrën e tij në Bashki duke bërë seks.

Gjatë fushatës, Këlliçi përdori një poster ku shfaqej me gishtin e mesit, që i drejtohej korrupsionit në Bashkinë e Tiranës. Por ky poster prodhoi reagime të shumta, madje i shqetësuar u shpreh edhe “Urdhri i Psikologut”.

Ndërkohë për video-skandalin e Gjicit ende nuk ka ndonjë reagim, nga ata që u shqetësuan shumë nga gishtat e Belos.

“Në pritje të reagimit të Urdhrit të Psikologut, të atyre që u shqetësuan shumë nga posteri i fushatës sime elektorale kundër korrupsionit. Rastin e Gjicit të Kukësit ende nuk e paskan parë mesa duket…” shkruan Këlliçi.