Kanë kaluar tashmë 48 orë që nga momenti që avokati Sokol Mëngjesi u shtrua në spital, pas dhunës në zonën e ish-Bllokut.
Mësohet se gjendja e tij shëndetësore vijon të jetë e njëjtë. Mëngjesi është i shtruar në spital dhe vijon të jetë në monitorim intensiv nga stafi mjekësor në reanimacion.
Ndërkohë vijojnë ende kërkimet dhe kontrollet për kapjen e tre autorëve të tjerë të shpallur në kërkim, por ende pa rezultat. Kontrollet janë shtrirë në të gjithë vendin, jo vetëm në Tiranë.
Sokol Mëngjesi u dhunua brutalisht nga tre të rinj rreth orës 08:30 sapo avokati kishte lënë djalin në kopsht.
Avokati u godit me doreza hekuri në pjesën e kokës dhe në momentin që ka rënë në tokë, është goditur serish me mjete të forta dhe shkelma, duke i shkaktuar dëme të shumta në kokë, përfshi hematomat dhe frakturat.
Dyshohet se urdhëruesi i sulmit ndaj juristit është Dritan Nano, me të cilin raportohet se ka pasur konflikt për një marrëveshje që kishin lidhur për një pronë.
Discussion about this post