Një ngjarje e rëndë ka ndodhur ditën e sotme në Londër, ku si pasojë ka humbur jetën një 22-vjeçar. Sipas medieve britanike, viktima është Fatjon Oruçi , i cili vdiq tragjikisht pasi u sulmua nga disa persona në një rrugë të qytezës Rotherham. Ngjarja ka ndodhur rreth orës 01:20 të mëngjesit të së shtunës, në 1 janar, ku mësohet se 22-vjeçari shqiptar ishte dhunuar dhe qëlluar disa herë me thikë nga autorët.
Autoritetet britanike arrestuan një 26-vjeçar dhe një femër 20-vjeçare në lidhje me vrasjen. Policia njofton se, të dyshuarit janë marrë në pyetje dhe janë duke u hetuar për ngjarjen. Një tjetër 23-vjeçar u ndalua në datën 4 janar, por u la i lirë për mungesë të provave që e lidhin me ngjarjen. Hetimet për këtë rast të rëndë vazhdojnë.
Discussion about this post